బినామీలపై సునామీ... లాకర్లు పగులగొడతారా...? నల్ల కుబేరుల గుండె గుల్ల...
న్యూఢిల్లీ : నేను ఏమైపోయినా ఫరవాలేదు... నల్లధనాన్ని రూపుమాపుతా అని ప్రధాని మోడీ ఘంటాపథంగా చెప్పారు. 500, 1000 నోట్ల రద్దుతో నల్ల కుబేరులను గడగడలాడించారు. ఇక తరువాయి సర్జికల్ దాడి బినామీ ఆస్తులపైనే అని ప్రకటించటంతో ఆర్ధిక అక్రమార్కుల గుండెల్లో రైళ్లు
న్యూఢిల్లీ : నేను ఏమైపోయినా ఫరవాలేదు... నల్లధనాన్ని రూపుమాపుతా అని ప్రధాని మోడీ ఘంటాపథంగా చెప్పారు. 500, 1000 నోట్ల రద్దుతో నల్ల కుబేరులను గడగడలాడించారు. ఇక తరువాయి సర్జికల్ దాడి బినామీ ఆస్తులపైనే అని ప్రకటించటంతో ఆర్ధిక అక్రమార్కుల గుండెల్లో రైళ్లు పరిగెత్తుతున్నాయి. అడ్డగోలుగా, అక్రమంగా, దొంగ నోట్ల చెలామణి ద్వారా ఆర్జించిన, లెక్కకు మించి కూడబెట్టిన నల్ల ధనంతో కనీసం 10 లక్షలు కూడా చెయ్యని వ్యవసాయ భూములను కోటికి పైగా విసిరేసి కొనటం, రూపాయి ఆదయంలేని వారి పేరుపై భూములు, భవనాలు కొనుగోలు చేసి నల్లధనం చెలామణి చెయ్యటంపై ఇక మోడీ చర్యలు తీసుకోనున్నారు.
నల్లధనం వల్ల అసాంఘిక వ్యాపారాలు, మాదక ద్రవ్యాలు, ఉగ్రవాదం వంటివి పెరిగిపోతున్నాయి. కరెన్సీ నోట్లను నిర్భయంగా మార్చిన తాడూ బొంగరం లేని వారు ఇపుడు కేంద్రం టార్గెట్ కాబోతున్నారు. నూరు గొడ్డను తిన్న రాబందు గాలివానకు గోవిందా అనే సామెతలాగా ఇలాంటి అడ్డగోలు పనులు చేసిన వారి వంతు రాబోతోంది.
తరువాతి సర్జికల్ దాడి బినామీ ఆస్తులపై జరగనుండటంతో ఏమి చెయ్యలో తెలియక తలలు పట్టుకుంటున్నారు. పులి మీద పుట్రలా రేపోమాపో అనుమానితుల లాకర్ల మీద దాడి జరిపేందుకు ప్రభుత్వం తయారుగా ఉన్నట్లు తాజా సమాచారం ద్వారా తెలియవస్తోంది.
