చిలకడదుంప. చిలగడ దుంపలను చాలామంది పెద్దగా పట్టించుకోరు గానీ వీటిల్లో పోషకాలు పుష్కలంగా ఉంటాయి. వీటిని వారానికి కనీసం రెండు సార్లయినా తినటం వలన మంచి ప్రయోజనాలుంటాయి. అవేమిటో తెలుసుకుందాము.
credit: Instagram
బంగాళదుంప, కందగడ్డల్లో కంటే చిలగడదుంపల్లో పీచు చాలా ఎక్కువ. దీంతో నెమ్మదిగా జీర్ణమవుతూ ఎక్కువసేపు కేలరీలు విడులయ్యేలా చేస్తాయి.
రక్తనాళాలు బలంగా ఉండేందుకు తోడ్పడే హోమోసిస్టీన్‌ను చిలగడదుంపల్లో వుండే విటమిన్‌ బీ6 విడగొడుతుంది. అందువల్ల గుండె, రక్తనాళాల సమస్యలు దూరంగా ఉంటాయి.
ఒంట్లో ఎక్కువగా ఉన్న ఉప్పును తొలగించి, నీటి మోతాదును నియంత్రిస్తూ అధిక రక్తపోటును తగ్గించటంలో చిలకడ దుంపల్లోని పొటాషియం కీలకపాత్ర పోషిస్తుంది.
చిలగడదుంపల్లో విటమిన్‌ ఏ లేదా బీటా కెరటిన్‌ ఎక్కువ, ఇది ఎండకు చర్మం దెబ్బతినకుండా కాపాడటమే కాక చూపు తగ్గిపోకుండా చూస్తుంది.
పిండి పదార్థాల జీవక్రియల్లో చాలా కీలమైన మాంగనీసు ఈ దుంపల్లో వుండటంతో ఇవి రక్తంలో గ్లూకోజు మోతాదులు సాధారణ స్థాయిలో ఉండేలా తోడ్పడతాయి.
ఈ దుంపల్లోని విటమిన్‌ సి రోగనిరోధకశక్తిని పెంచితే, విటమిన్‌ ఇ మన చర్మం ఆరోగ్యంగా, నిగనిగలాడేందుకు తోడ్పడుతుంది.
చిలగడదుంపల్లో ఉండే సహజ చక్కెరలు రక్తంలో నెమ్మదిగా కలుస్తాయి. అందువల్ల రక్తంలో ఒకేసారి చక్కెర మోతాదు పెరగకుండా చూస్తాయి.