హీరోయిన్‌గా ఎదిగాక.. తనకంటూ ప్రత్యేకతను చూపుకోవాల్సిన అవసరం వుంటుంది. దానికోసం పాత్రల ఎంపిక చేస్తుంటారు. కానీ ఎప్పటికోకానీ రావు. అలాంటి అవకాశం తనకు ఇప్పుడు వచ్చిందని.. తమన్నా చెబుతోంది. అందుకు కారణం?. 'ఊపిరి' తర్వాత ఓ మంచి చిత్రంలో చేస్తున్నానని చెప్పింది. తన కెరీర్లో మొట్టమొదటిసారిగా 'అభినేత్రి' అనే ఓ లేడీ ఓరియంటడ్‌ హర్రర్‌లో చేస్తున్నట్లు తెలిపింది.
తెలుగు, తమిళ భాషల్లో ఏకకాలంలో తెరకెక్కుతోన్న ఈ సినిమాను ప్రభుదేవా నిర్మిస్తోండగా, తెలుగు వర్షన్‌కు ప్రముఖ సినీ రచయిత కోన వెంకట్‌ నిర్మాతగా వ్యవహరిస్తున్నారు. ఏ.ఎల్‌.విజయ్‌ తెరకెక్కిస్తోన్న ఈ సినిమా ప్రస్తుతం శరవేగంగా షూటింగ్‌ జరుపుకుంటోంది. ఇక జూన్‌ 3న ఈ సినిమా ఫస్ట్‌లుక్‌ను విడుదల చేయనున్నట్లు కోన వెంకట్‌ తెలిపారు.
