బాలీవుడ్ హీరో రితేశ్‌దేశ్‌ముఖ్‌ ట్రూబ్లూ షాపులో దుస్తులు దొంగిలిస్తూ సీసీటీవీ కెమెరాకు చిక్కుకున్నాడు. మాజీ సీఎం కొడుకు, మాజీ హీరోయిన్ జెనీలియా భర్త ఈయనకు దొంగతనం చేయాల్సిన కర్మేంటి అనుకుంటున్నారా.... అసలు విషయమేంటో తెలియదు కానీ... ఓ దుస్తుల దుకాణంలో దొంగతనం చేశాడు. ఆ ఉదంతం మొత్తం సీసీటీవీలో రికార్డు అయ్యింది.
ముంబయిలోని ఓ షాపింగ్‌మాల్‌లోని ట్రూబ్లూ బ్రాండ్ బట్టల షాపులో కొన్ని దుస్తులను ట్రై చేసిన రితేష్ దేశ్ ముఖ్...మరికొన్ని టీషర్టులను టీషర్టులోపల పెట్టుకోవడం సీసీ పుటేజ్‌లో స్పష్టంగా కనిపించింది. సీసీ టీవీ ఫుటేజీలో రికార్డయిన ఈ వీడియో ప్రస్తుతం సోషల్ మీడియాలో హాట్ టాపిక్‌గా మారింది.
నిజం వీడియోనేనా అని ఆరాలు తీస్తున్నారు. రితేష్ ఎందుకిలా చేశాడని అభిమానులు తలబద్దలు కొట్టుకుంటున్నారు. బాలీవుడ్ ప్రముఖులకైతే ఈ విషయంపై ఎలా స్పందించాలో అర్ధం కావడం లేదు. ఇంతకీ ఇది దొంగతనమా? అయితే రితేష్ తాజా చిత్రం ''హౌస్ ఫుల్ 3'' ప్రచారం కోసమే ముందుగా ఈ వీడియోను విడుదల చేశారని కొందరు అంటుంటే... మరికొందరు ట్రూబ్లూ అనే టీషర్టుల బ్రాండ్ ప్రచారం కోసమని మరికొందరంటున్నారు. ఏది ఏమైనా సోషల్ మీడియాలో మాత్రం ఆ వీడియో మాత్రం వైరల్‌ అవుతోంది.
