ఇరాన్ పశ్చిమదేశాల హెచ్చరికలను బేఖాతర్ చేసింది. పూర్తి స్వదేశీ పరిజ్ఞానంతో న్యూక్లియర్ ఫ్యూలర్ రాడ్లను తయారు చేసింది. ఈ విధంగా ఇంధన రాడ్లను ఇరాన్ తయారు చేయడం ఇదే తొలిసారి కావడం గమనార్హం. తమ సొంత సైన్స్ ఇంటర్నేషనల్ సైంటిస్టులు ఈ న్యూక్లియర్ ఫ్యుల్ రాడ్లను తయారు చేసినట్టు టెహ్రాన్ ఆదివారం విడుదల చేసిన ఒక ప్రకటనలో పేర్కొంది. వీటి తయారీకి అవసరమైన శాస్త్ర పరిజ్ఞానాన్ని, పరికరాలను విదేశీ మార్కెట్లలో కొనుగోలు చేయడంపై పశ్చిమ దేశాలు విధించిన నిషేధాన్ని సైతం లెక్క చేయకుండా ఈ ఫీట్ను ఇరాన్ శాస్తవేత్తలు సాధించారు.
విద్యుత్ అణు ప్లాంట్లకు అవసరమైన ఇంధనాన్ని ఈ ఫ్యుయల్ రాడ్ల నుంచి సరఫరా చేస్తారు. పూర్తి స్వదేశీయంగా తయారు చేసిన న్యూక్లియర్ ఫ్యుయల్ రాడ్లను టెహ్రాన్ రీసెర్స్ న్యూక్లియర్ రియాక్టర్లో అమర్చినట్టు ఇరాన్ ఆటామిక్ ఎనర్జీ ఏజెన్సీ తెలిపింది.