మెడికోలపై ఫ్రోఫెసర్ లైంగిక వేధింపులు... ఫోన్ చేసి బెదిరింపులు!
, మంగళవారం, 22 ఏప్రియల్ 2014 (14:02 IST)
చదువుచెప్పాల్సిన ఉపాధ్యాయుడే కీచకుడిగా మారాడు. తాను చెప్పినట్లు వినకపోతే పరీక్షలలో ఫెయిల్ చేస్తానని బెదిరించి విద్యార్థులను లైంగికంగా వేధిస్తున్నాడు. దీంతో వారు పోలీసులకు ఫిర్యాదు చేశారు. ఆ వివరాలిలావున్నాయి....ప్రకాశం జిల్లా ఒంగోలులోని రాజీవ్‌గాంధీ ఇనిస్టూట్ ఆఫ్ మెడికల్ సైన్సెస్ (రిమ్స్ కళాశాలలో)లో ప్రోఫెసర్‌గా పనిచేస్తోన్న మల్లికార్జున్ గతకొంతకాలంగా విద్యార్థులను లైంగికంగా వేధిస్తున్నాడు. రాత్రి సమయాల్లో విద్యార్థినులకు ఫోన్‌లు చేస్తూ, చెప్పినట్లు వినకపోతే మిమ్మల్ని పరీక్షలలో తప్పిస్తానని బెదిరిస్తున్నాడు. ఎప్పటికీ ఆయన తీరుమారకపోవడంతో సోమవారం మెడికోలు జిల్లా ఎస్పీ కార్యాలయానికి వచ్చి ఆయనపై ఫిర్యాదు. ఆ కీచక ఉపాధ్యాడుపై తగిన చర్యలు తీసుకోవాలని వారు కోరారు.
