పవన్ కళ్యాణ్ పవర్... గూగుల్ సెర్చ్‌లో పవన్ టాపర్!
, శుక్రవారం, 18 ఏప్రియల్ 2014 (08:56 IST)
నటుడు, జన సేన పార్టీ అధినేత పవన్ కళ్యాణ్ మరో సారి తన పవర్ చూపించాడు. గూగుల్ సెర్చ్ ఇంజన్‌లో నెటిజన్లు అత్యధికంగా సెర్చ్ చేసిన సెలబ్రిటీగా టాప్‌‌లో నిలిచాడు. ఈ విషయాన్ని ఇంటర్నెట్ సెర్చ్ ఇంజన్ గూగుల్ సంస్థ వెల్లడించింది. పవన్ అన్నయ్య, కేంద్ర మంత్రి చిరంజీవికి ఆరో స్థానంలో ఉన్నారు. ప్రస్తుతం జరుగుతున్న సార్వత్రిక ఎన్నికల్లో పవన్ కళ్యాణ్ ప్రభావం ప్రత్యక్షంగానో.. పరోక్షంగానో బాగా ఉందని పేర్కొంది.పవన్ కళ్యాణ్ తర్వాత సినీ నటి రమ్య, ఆమ్ ఆద్మీ పార్టీ నాయకుడు కుమర్ శ్వాస్ ఈ జాబితాలో చోటు సంపాదించుకున్నారు. ఈ ఎన్నికల్లో చాలా మంది సెలబ్రిటీలు వివిధ పార్టీల నుంచి బరిలోకి దిగుతున్న విషయం తెలిసిందే. పవన్ కళ్యాణ్ అన్నయ్య, కేంద్ర మంత్రి చిరంజీవి మాత్రం ఆరో స్థానంలో ఉన్నట్టు తెలిపింది.ఈ ఎన్నికల్లో రాజకీయ పార్టీల భవితవ్యాన్ని నిర్ణయించటంలో ఈసారి పలువురు సినీ స్టార్లు కీలకమైన పాత్రను పోషిస్తున్నారనడంలో ఎలాంటి సందేహం లేదు. పలువురు సినిమా స్టార్లు రాజకీయ పార్టీల నుంచి ఎన్నికల ప్రచారంలో పాల్గొంటూ ఆ పార్టీలకు విజయాన్ని అందించడంలో ముఖ్య పాత్ర పోషిస్తున్నారని గూగుల్ తాజాగా ఓ ప్రకటన విడుదల చేసింది.
