ఆంధ్రప్రదేశ్ రాష్ట్రంలో నెలకొన్న పరిస్థితులపై అధ్యయనం చేసేందుకు కేంద్రం ఏర్పాటు చేసిన జస్టీస్ శ్రీకృష్ణ కమిటీ తన తుది నివేదికను ఈనెల 30వ తేదీన సమర్పించనుంది. గురువారం సాయంత్రం 3.30 గంటలుకు విజ్ఞాన్ భవన్‌లోని కేంద్ర హోంశాఖా మంత్రి కార్యాలయంలో ఆశాఖామంత్రి చిదంబరంకు కమిటీ సభ్యులు సమర్పిస్తారు.
తొలుత డిసెంబరు 31వ తేదీన నివేదిక సమర్పించాలని భావించారు. అయితే, ఆ రోజున హోంమంత్రి చిదంబరం అరుణాచల్ ప్రదేశ్‌లో అధికార పర్యటన కోసం వెళుతున్నారు. అయితే, 30వ తేదీన మంత్రి అందుబాటులో ఉంటానని వెల్లడించారు. దీంతో ఆ రోజునే నివేదిక సమర్పించేందుకు సమయం కేటాయించాలని మంత్రిని కమిటీ కోరింది.
