ఎండాకాలం చెమట దుర్గంధం... అభ్యంగన స్నానం అవసరం... నువ్వుల నూనె రాసుకుని...
, సోమవారం, 31 మార్చి 2014 (14:12 IST)
ఎండాకాలం వచ్చేసింది. కొందరికి చెమట పోయడం ఓ మోతాదులో ఉంటే మరికొందరు నీళ్లు కారిపోతుంటారు. శరీరం నుంచి చెమట కారడంతో దుర్గంధం వస్తుంటుంది. అందువల్ల శరీరం దుర్వాసన పూర్తిగా తగ్గిపోవాలంటే ప్రతివారంలో ఒక్కరోజు నువ్వుల నూనె ఒంటికి రాసుకుని చింతపండు గానుగ గింజలు నూరి ఆ ముద్దతో ఒంటికి నలుగుపెట్టుకుంటే చర్మం నుంచి వచ్చే దుర్వాసన పూర్తిగా తగ్గిపోతుంది.మరికొంతమందిలో విపరీతంగా చెమట పోస్తుంది. అటువంటివారు వేపాకు, తామరపువ్వులు, దానిమ్మ చెక్క, నీళ్లతో నూరి ఆ ముద్దతో శరీరానికి నలుగుపెట్టుకుంటే అధికంగా వచ్చే చెమట శాతం తగ్గుతుంది. ఇంకా చర్మంపై దురద, చిన్నచిన్న మచ్చలు వచ్చి బాధపెడుతుంటే తులసి ఆకులను నిమ్మకాయ రసంలో నూరి ఒంటికి రాసుకుని నాలుగు గంటల తర్వాత స్నానం చేస్తే దురద, చిడుములు తగ్గిపోతాయి.
