ప్రియురాలి టోపీ కోసం 1640 అడుగుల లోయను లెక్కచేయని రియల్ హీరో.. ఏం చేశాడంటే?

ప్రియురాలి కోసం ఎంతటి సాహసానికైనా సిద్ధపడతారు వెండితెర హీరోలు. కాని నిజజీవితంలో వెండితెర హీరోలనే మించి పోయాడు ఓ చైనా కుర్రోడు. కేవలం ఒక టోపీ కోసం ప్రాణాలను సైతం లెక్కచేయకుండా సాహసానికి పూనుకున్నాడు. ప

ప్రియురాలి కోసం ఎంతటి సాహసానికైనా సిద్ధపడతారు వెండితెర హీరోలు. కాని నిజజీవితంలో వెండితెర హీరోలనే మించి పోయాడు ఓ చైనా కుర్రోడు. కేవలం ఒక టోపీ కోసం ప్రాణాలను సైతం లెక్కచేయకుండా సాహసానికి పూనుకున్నాడు. ప్రియురాలు ధరించిందన్న ఒక్క కారణం చేత కొండనుండి కిందపడిపోయిన టోపిని తీసుకొచ్చిచ్చాడు.

వివరాల్లోకి వెళ్తే.. దక్షిణ చైనాలోని జింజి పర్వతాల అందాలను చూడ్డానికి ఒక ప్రేమ జంట అక్కడికి వచ్చింది. అక్కడ వీచిన బలమైన గాలులకు ప్రియురాలి టోపీ ఎగిరి కొండ అంచులో పడిపోయింది. ఆ టోపీ పోయిందని ప్రియురాలు ఎక్కడ బాధపడుతుందేమోనని ప్రాణాలకు తెగించి మరీ టోపీని తీసుకొచ్చాడు ప్రియుడు. పట్టు తప్పితే అతడు 1640 అడుగుల లోతులోని లోయలో పడిపోయే అవకాశం ఉన్నా ఆమె మీద ఉన్న ప్రేమతో టోపీని తీసుకొని కొండెక్కాడు.

ఈ ప్రేమికుడు చేసిన సాహసం అక్కడివారిని అబ్బురపరిచింది. కొండపైకి వస్తున్న అతన్ని అక్కడి వారు చప్పట్లతో అభినందించారు. ఆలస్యంగా విషయం తెలుసుకున్న ఆ పర్యాటక ప్రదేశంలోని అధికారులు మాత్రం ఇలాంటి చర్యలు ఏ మాత్రం సమర్థనీయం కాదని, చర్యలు తీసుకుంటామంటున్నారు. అంత కష్టపడి క్యాప్ తీసుకొచ్చిన ఆ కుర్రాడి శ్రమ ఊరికే పోకుండా ప్రియురాలు అతడిని అమాంతంగా గుండెలకు హత్తుకుంది.