ఆస్కార్ అవార్డ్స్ నామినేషన్ ఎంట్రీలో కామసూత్ర 3డి
, గురువారం, 19 డిశెంబరు 2013 (13:19 IST)
బాలీవుడ్ ఐటంగర్ల్ షెర్లిన్ చోప్రా ప్రధాన పాత్రలో తెరకెక్కిన తాజా చిత్రం "కామసూత్ర త్రీడి" చిత్రం ఆస్కార్ అవార్డ్స్ నామినేషన్ ఎంట్రీ పోటీలో నిలిచింది. మూడు విభాగాల్లో ఈ చిత్రం పోటీకి నిలవడం గమనార్హం. తాను నటించిన కామసూత్ర త్రీడి చిత్రం ఆస్కార్ నామిషన్ పోటీల్లో నిలవడం పట్ల షెర్లిన్ చోప్రా హర్షం వ్యక్తం చేస్తున్నారు. దీనిపై షెర్లిన్ చోప్లా స్పందిస్తూ... కామసూత్ర అనగానే చాలా మంది అదేదో వినకూడని పదం అన్నట్లుగా మోహం పెట్టేస్తారు. అందువల్ల ఇలాంటి చిత్రాలపై కొంతమంది ప్రేక్షకుల్లో చులకన భావం ఉందన్నారు. కానీ అలాంటి ఆలోచనలేమి పెట్టుకోకుండా ఈ చిత్రాన్ని ధైర్యంగా వీక్షించవచ్చని సూచిస్తున్నారు. కాగా, ఆస్కార్ ఎంట్రీ నామినేషన్ అవార్డులలో ఈ చిత్రం "బెస్ట్ మోషన్ పిక్చర్", "బెస్ట్ ఒరిజినల్ స్కోర్", "బెస్ట్ ఒరిజినల్ సాంగ్" విభాగాలకు ఎంపికైంది. ఒరిజినల్ సాంగ్ విభాగంలో మొత్తం 75 పాటలు పోటీపడుతున్నాయి. అందులో 5 పాటలు ఈ చిత్రనివే కావడం విశేషం. రూపేష్ పౌల్ దర్శకత్వంలో తెరకెక్కిన ఈ చిత్రానికి సచిన్, రంజిత్‌లు కలిసి సంగీతాన్ని అందించారు.
