గత వారం వాస్తుతో గృహానికి ద్వార అమరిక గురించి మనం కొన్ని విషయాలను తెలుసుకున్నాం. అలాగే ఈ వారం మరికొన్ని విషయాలను తెలుసుకుందాం. ఇంటిలో వివిధ దిశలలో నడవడం ద్వారా కూడా మనకు మంచి ఫలితాలు ఉంటాయి. ఉత్తర ఈశాన్యం నుంచి, దక్షిణ ఈశాన్యం వైపు నడవడం మంచి ఫలితాలనిస్తాయి.
అలాగే ఉత్తర ఈశాన్యం నుంచి, దక్షిణ ఈశాన్యం వైపు, దక్షిణ ఆగ్నేయం నుంచి, ఉత్తర ఈశాన్యం వైపు నడవడం ద్వారా మీకు శుభపరిణామాలు ఎదురవుతాయి. తూర్పు ఈశాన్యం నుంచి పడమర వాయవ్యం వైపు నడవడం మంచిది. అలాగే పడమర వాయవ్యం నుంచి తూర్పు ఈశాన్యం వైపు నడవడం మంచి ఫలితాలనిస్తుంది.
అలాగే తూర్పు, పడమర భాగాల మధ్యలో ద్వారాలను ఏర్పాటు చేసుకోవచ్చు. అంతే కాకుండా ఉత్తర, దక్షిణ భాగాల మధ్యలో ద్వారాలను ఏర్పాటు చేసుకోవచ్చు. పశ్చిమ, దక్షిణాలలో ఉచ్చస్థానాలయిన పశ్చిమ వాయవ్యం, దక్షిణ ఆగ్నేయాలలో ద్వారాలను అమర్చుకోవడం ద్వారా మంచి ఫలితాలే లభిస్తాయి.
