ఫ్యామిలీ డైరక్టర్ అనే ముద్ర ఉన్న కృష్ణ వంశీ హారర్ సినిమా వైపు దృష్టి మళ్లించాడు. సింధూరం, మురారి, నిన్నే పెళ్లాడుతా, రాఖీ వంటి సినిమాలు తెరకెక్కించిన కృష్ణవంశీ తాజాగా వరుస ఫ్లాప్‌లతో ఇబ్బంది పడిపోతున్నాడు. ఎలాగైనా సరే హిట్ కొట్టేయాలని.. ఇందుకు ఫ్యామిలీ మూవీని ఈసారి ఎంచుకోకూడదని.. హారర్ వైపు దృష్టి పెట్టాలనుకుంటున్నాడు. ఈ క్రమంలో గోవిందుడు అందరివాడేలేకు తర్వాత హాట్ బ్యూటీస్‌లో హారర్ మూవీ ప్లాన్ చేస్తున్నాడు.
ఇందుకోసం స్క్రిప్ట్ కోసం కుస్తీ పడుతున్నాడు. ''రుద్రాక్ష'' అనే టైటిల్‌ను కూడా ఈ సినిమాకు ఖరారు చేయాలనుకుంటున్నాడు. అలాగే రాజులిద్దరూ.. అంటే ప్రముఖ విలక్షణ నటుడు ప్రకాష్ రాజ్, దిల్ రాజులు సంయుక్తంగా ఈ సినిమాకు నిర్మాణ సారథ్యం వహించనున్నట్లు ఫిలిమ్ నగర్ వర్గాల్లో టాక్ వస్తోంది. లేడి ఓరియెంటెడ్ మూవీగా హారర్ కాన్సెప్ట్‌తో తెరెకెక్కించాలనుకుంటున్న కృష్ణవంశీ.. ఈ సినిమా కోసం సమంత, శ్రుతిహాసన్‌లలో ఎవరైనా ఒకరిని సెలెక్ట్ చేయాలనుకుంటున్నాడు.
