''కాటమరాయుడు''కి కలెక్షన్ల కష్టాలు తప్పవా? బుల్లితెరకు.. వీరుడొక్కడేకు లింకేంటి?
పవర్ స్టార్ పవన్ కల్యాణ్ కాటమరాయుడు సినిమాకు కష్టాలు మొదలయ్యాయి. కోలీవుడ్‌లో బ్లాక్ బస్టర్ హిట్‌గా అజిత్ వీరమ్ రికార్డు సృష్టించింది. ఈ సినిమా తెలుగులోకి 'వీరుడొక్కడే' పేరుతో ఇప్పటికే డబ్బింగ్ సినిమాగ
పవర్ స్టార్ పవన్ కల్యాణ్ కాటమరాయుడు సినిమాకు కష్టాలు మొదలయ్యాయి. కోలీవుడ్‌లో బ్లాక్ బస్టర్ హిట్‌గా అజిత్ వీరమ్ రికార్డు సృష్టించింది. ఈ సినిమా తెలుగులోకి 'వీరుడొక్కడే' పేరుతో ఇప్పటికే డబ్బింగ్ సినిమాగా రిలీజైంది. ఈ సినిమా తెలుగులోకి రీమేక్ అవుతున్నప్పటికీ.. కథను చాలామార్చామని దర్శకుడు పవన్‌తో సినిమా చేసేశాడు. కానీ అనూహ్యంగా ఓ ప్రముఖ ఛానల్ 'వీరుడొక్కడే' సినిమాను తమ ఛానల్‌లో ప్రతివారం సీరియల్‌గా ప్రసారం చేస్తోంది.
దీంతో ఈ సినిమాను సీరియల్ రూపంలో తెలుగు జనం చూస్తేస్తున్నారు. ఫలితంగా కాటమరాయుడు సినిమాకు కలెక్షన్లు పడిపోయే అవకాశం ఉందని సినీ జనం అంటున్నారు. ఇప్పటికే సర్దార్ గబ్బర్ సింగ్ ఫట్ కావడంతో కష్టంలో ఉన్న పవన్ కల్యాణ్‌కు కాటమరాయుడు మంచి కలెక్షన్లు ఇస్తాడనుకుంటే.. బుల్లితెరపై వీరమ్ సినిమా సీరియల్‌లా రావడంపై ఫ్యాన్స్ మధ్య ఆందోళన వ్యక్తమవుతోంది.
ఈ సీరియల్ ద్వారా 'కాటమరాయుడు' విడుదల అయ్యాక పవన్ సినిమాకు అజిత్ సినిమాకు పోలికలు పెడుతూ సామాన్య ప్రేక్షకుడు కూడ ఈ రెండింటి పై కామెంట్స్ చేసే ఆస్కారం ఉందని సినీ పండితులు జోస్యం చెప్తున్నారు. ఇప్పటికే అనేక సమస్యలతో అనేక సార్లు వాయిదా పడిన ఈ సినిమా టీజర్ కూడా రిలీజ్ కాలేదు. మరి బుల్లితెర ఎఫెక్టుతో కాటమరాయుడు ఏ మేరకు రాణిస్తాడో అనేది వేచి చూడాలి.
