హాలీవుడ్‌ స్టార్‌ బ్రూస్‌లీ పేరు పెట్టి తెరకెక్కించిన రామ్ చరణ్ చిత్రం బ్రూస్ లీ చిత్రానికి న్యాయం జరుగుతుందా! లేదా! అనే చర్చ ఇండస్ట్రీలో జరుగుతోంది. బ్రూస్ లీ పేరు పెట్టడానికి కారణం.. తమ్ముడు, అక్క సెంటిమెంట్‌ అని చిరంజీవి ఇటీవలే ఆడియో వేడుకలో వెల్లడించారు. బ్రూస్ లీ నటించిన ఓ సినిమాలో కూడా ఇదే సెంటిమెంట్‌ వుంటుందని అన్నాడు.
అయితే ఆ సినిమానే కాపీ చేసి తెలుగు నేటివిటీకి దిద్దినట్లు తెలుస్తోంది. మార్షల్‌ ఆర్ట్స్‌ చరిత్రలోనే సువర్ణాక్షరాలతో లిఖించదగిన ఒక మహానుభావుడి పేరు అది. ఆ పేరుని గౌరవించాల్సిన బాధ్యత అందరికీ వుంది. కానీ రామ్ చరణ్ నటించిన బ్రూస్ లీలో...పాటలు కొన్ని సన్నివేశాలు పేరుకు తగినట్లుగా లేవని విమర్శలు వస్తున్నాయి.
రైమింగ్‌ కోసం స్టార్టింగ్‌ నుంచి ఎండింగ్‌ లీ అక్షరాన్ని ఎక్కువ వాడుతూ రాసిన ఈ పాట ఇలా సాగుతుంది.. లే.. లే.. బ్రూస్‌లీ నీ చూపుల్లో తగిలింది గూగ్‌లీ.. నువ్‌ చెయ్యేస్తే నేనే నీ ఫ్యామిలీ.. ఎవడి చూపు పడితే పిందె పండవుతాదో ఆడే నా సుడిగాలి బ్రూస్‌లీ. ఇలా బ్రూస్‌లీ పేరుని ఈ పాటలో విచ్చలవిడిగా వాడేశారు. దీనిపై ఇండస్ట్రీలో పెద్దలు... పైకి విమర్శిస్తూ... సినిమా చూశాక కానీ ఏ విషయం చెప్పలేమని అంటున్నారు. చూద్దాం.. త్వరలో విడుదల కానున్న ఈ చిత్రం గురించి.
