సాధారణంగా హీరోయిన్లు తమ చేతిలో సినిమాలు లేకపోయినా.. చాలా సినిమాలున్నట్లు ఫోజులు కొడ్తుంటారు. అంతటితో ఆగకుండా మరో భాషలో బిజీగా ఉన్నామని చెప్పుకుంటారు. అయితే అందాల తాప్సీ మాత్రం ఇందుకు విభిన్నం. తన చేతిలో సినిమాలు లేవని తాప్సీ ధైర్యంగా చెప్పేసింది. ఝమ్మందినాదం సినిమాతో తెలుగుతెరపై అరంగేట్రం చేసిన తాప్సీ ట్విట్టర్లో ఆసక్తికర కామెంట్స్ చేసింది.
ట్విట్టర్లో తాను బిజీగా లేనని తేల్చి చెప్పింది. మీడియా ప్రచారం చేస్తున్నట్లు తాను బోలెడు సినిమాలతో బిజీ బిజీగా షూటింగ్‌లకు వెళ్ళట్లేదని స్పష్టం చేసింది. ప్రస్తుతం తన చేతిలో రానా హీరోగా రూపొందుతున్న ఘాజీ, ఇంకా పేరు పెట్టని రైజింగ్ సన్ ఫిలిమ్స్ పతాకంపై రూపుదిద్దుకుంటున్న సినిమాలే ఉన్నాయని ట్వీట్ చేసింది.
ఇకపోతే, తాప్సీ గురించి తెలుగు ప్రేక్షకులకు ప్రత్యేకంగా చెప్పాల్సిన పనిలేదు. ఎందుకంటే ఆమె ఏం చేసినా అందంగా ఉంటుందని.. అటు చీరకట్టైనా, మోడ్రన్ డ్రెస్ అయినా తాప్సీకి అదిరిపోతుందని సినీ ప్రేక్షకులు అంటున్నారు. అయితే తాప్సీకి అదృష్టం ఇంకా వరించలేదని సినీ పండితులు అంటున్నారు. పెద్ద, హీరోలు, దర్శకులతో నటించినప్పటికీ.. అందాలను ఆరబోసినప్పటికీ ఆమె ఖాతాలో ఒక్క సినిమా కూడా లేకపోవడం గమనార్హం.
