దక్షిణ భారత నటీనటుల సంఘం (నడిగర్) ఎన్నికలు మాటల యుద్ధంతో పాటు క్రిమినల్ కేసులు నమోదవడానికి కూడా వేదికగా మారాయి. తమిళ చిత్రసీమలో పెను వివాదానికి తెరతీసిన నడిగర్ సంఘం ఎన్నికల్లో భాగంగా తారల మధ్య నువ్వా నేనా అన్నట్లు వార్ జరుగుతోంది.
ప్రస్తుతం నడిగర్ సంఘానికి అధ్యక్షుడిగా ఉన్న ప్రముఖ నటుడు శరత్ కుమార్ మరోమారు ఆ పదవిని ఆశిస్తున్నారు. ఈ క్రమంలో శరత్ కుమార్‌పై పలు ఆరోపణలు చేసిన యువ హీరో విశాల్ ఆయనకు పోటీగా నడిగర్ అధ్యక్ష బరిలో దిగేందుకు రెడీ అయ్యాడు. దీనిపై ఇరు వర్గాల మధ్య ఘాటు విమర్శలతో పాటు వ్యక్తిగత విమర్శలు సైతం తూటాల్లా పేలుతున్నాయి.
ఈ నేపథ్యంలో ఎన్నికల ప్రచారంలో భాగంగా తనపై విశాల్ చేసిన ఆరోపణలన్నింటినీ పూసగుచ్చిన శరత్ కుమార్ యువ హీరోపై శుక్రవారం ఎగ్మూర్ కోర్టులో క్రిమినల్ కేసు దాఖలు చేశారు. విషయం తెలుసుకున్న విశాల్ కూడా ఘాటుగానే స్పందించాడు. శరత్ కుమార్‌పై తాను కూడా కేసు నమోదు చేస్తానని విశాల్ ప్రకటించాడు.
