'ఒక మనసు'లో నీహారిక డ్రస్సులు అదుర్స్.. నాగబాబు వైఫ్ డిజైన్ చేసినవేనట...
మెగా అభిమానుల మోస్ట్ అవైటెడ్ మూవీ ''ఒక మనసు'' జూన్ 24 రిలీజైన సంగతి తెలిసిందే. మెగా డాటర్ నిహారిక హీరోయిన్గా అరంగేట్రం చేసిన మొదటి సినిమా కావడంతో ఈ సినిమాపై భారీ అంచనాలు నెలకొన్నాయి. మెగా ఫ్యామిలీ ను
మెగా అభిమానుల మోస్ట్ అవైటెడ్ మూవీ ''ఒక మనసు'' జూన్ 24 రిలీజైన సంగతి తెలిసిందే. మెగా డాటర్ నిహారిక హీరోయిన్గా అరంగేట్రం చేసిన మొదటి సినిమా కావడంతో ఈ సినిమాపై భారీ అంచనాలు నెలకొన్నాయి. మెగా ఫ్యామిలీ నుంచి ఎందరో హీరోలు ఎంట్రీ ఇచ్చినా, తొలి హీరోయిన్ నాగబాబు డాటర్ నిహారిక కావడంతో అభిమానులంతా ఈ సినిమా కోసం ఆసక్తిగా ఎదురు చూశారు.
''ఒక మనసు'' సినిమాను చూసిన అమ్మాయిలు మాత్రం ఒక విషయంలో నిహారికని అమితంగా మెచ్చుకుంటున్నారు. ఈ సినిమాలో నిహారిక తెలుగుదనం ఉట్టిపడేలా కాటన్ చీరలు, చుడీదార్లతో అందంగా కనిపించింది. ఈ మూవీలో ప్రధానమైన హైలైట్.. నిహారిక లుక్ అని టాలీవుడ్ వర్గాలు అంటున్నాయి. ప్రతీ ఫ్రేమ్లోనూ ఎంతో అందంగా కనిపించింది నిహారిక.
వాస్తవానికి 30-40 సన్నివేశాలకుగాను 60-70 డ్రస్సులతో నిహారిక ఈ సినిమాలో దర్శనమిచ్చింది. ఎక్కడా ఆర్భాటం లేకుండా సాదాసీదాగా శారీస్, చుడీదార్లు, పంజాబీ డ్రస్సులు దానికి తగ్గట్లుగా మ్యాచింగ్ ఆర్నమెంట్స్తో అందంగా కనిపించింది నిహారిక. నిజానికి ఈ క్రెడిట్ అంతా నాగబాబు వైఫ్ పద్మజకే దక్కుతుంది. ఇవన్నీ పద్మజ సొంత డిజైన్సేనట. కూతురును సినిమా రంగానికి పరిచయం చేస్తూ ఆమె తీసుకున్న జాగ్రత్తలు అమోఘం అంటూ పలువురు కితాబు నిస్తూ, ఈ విషయంలో మాత్రం నాగబాబు వైఫ్కి హ్యాట్సాఫ్ చెప్పేస్తున్నారు.