చెర్రీ జంజీర్ భామ ప్రియాంక చోప్రాకు హాలీవుడ్‌లో ఓ గుర్తింపు వచ్చేసింది. చెర్రీ సరసన నటించిన ప్రియాంక చోప్రా ప్రస్తుతం లాస్ ఏంజెల్స్‌లో సందడి చేస్తోంది. తాజాగా ప్రియాంక నటించిన హాలీవుడ్ టీవీ సీరియల్ క్వాంటికో తొలి భాగం టెలికాస్ట్ అయింది.
ఈ ప్రోగ్రాంకి సంబంధించిన ప్రమోషన్ కార్యక్రమాల కోసం అమెరికా దేశమంతా చుట్టేస్తోందీ బ్యూటీ. ఈ సీరియల్‌లో ప్రియాంక చోప్రానే సెంటర్ ఆఫ్ అట్రాక్షన్‌గా నిలిచింది. మొత్తం టీవీ షోలో ప్రియాంక మాత్రం ఇరగదీసిందని టాక్ వస్తోంది. ఈ కార్యక్రమంలో ప్రియాంక చోప్రా కేరెక్టర్ పేరు అలెక్స్ పారిష్. ఈమె ఎఫ్‌బీఐలో పని చేస్తుందన్నమాట.
పాత్ర ప్రకారం ఈమె హాఫ్ ఇండియన్ హాఫ్ అమెరికన్. వాస్తవానికి ఈ సీరియల్ ప్రచారానికి ముందునుంచే ప్రియాంక సెంట్రాఫ్ ఎట్రాక్షన్ అయింది. ఇంటిమేట్ సీన్స్ నుంచి - ఎమోషనల్ సీన్స్ వరకు ఛేజింగ్ నుంచి కార్‌లోనే రొమాన్స్ జరిపే సన్నివేశాల వరకూ అన్నింటిలోనూ ప్రియాంక చోప్రానే మెయిన్ ఫోకస్ చేశారు.
తన పాత్రకు రెస్పాన్స్ అదిరిపోవడంతో ప్రియాంక చోప్రా అదరగొట్టేసింది. దీనికి తోడు సోదరి పరిణీతి చోప్రా, సహ హీరోయిన్స్ దీపికా, అలియా భట్, సోనాక్షి, అనుష్క శర్మలు ప్రియాంకకు అభినందలు తెలపడంతో ప్రియాంక చోప్రా సంతోషానికి అవధుల్లేకుండా పోయాయి.
