ఎక్స్పోజింగ్ చేస్తే నన్ను లేపుకెళ్లిపోతారు : లావణ్య త్రిపాఠి
తొలి సినిమా 'అందాల రాక్షసి'గా అలరించి 'భలే భలే మగాడివోయ్'తో మురిపించి, 'సోగ్గాడే చిన్ని నాయన'తో చక్కలిగింతలు పెట్టిన లావణ్య త్రిపాఠి 'శ్రీరస్తు శుభమస్తు' అంటూ మరోసారి ప్రేక్షకుల ముందుకు రానుంది. ప్రతి
తొలి సినిమా 'అందాల రాక్షసి'గా అలరించి 'భలే భలే మగాడివోయ్'తో మురిపించి, 'సోగ్గాడే చిన్ని నాయన'తో చక్కలిగింతలు పెట్టిన లావణ్య త్రిపాఠి 'శ్రీరస్తు శుభమస్తు' అంటూ మరోసారి ప్రేక్షకుల ముందుకు రానుంది. ప్రతి చిత్రంలోనూ తన రూపలావణ్యాలతో అమితంగా ఆకర్షిస్తున్న ఈ భామ... తన సినీ కెరీర్పై స్పందించింది.
ప్రస్తుతం తాను చేస్తున్న తాజా చిత్రం 'శ్రీరస్తు శుభమస్తు'. ఇందులో నేను చేసిన తెలుగు సినిమాలన్నింటికన్నా భిన్నమైన క్యారెక్టర్ చేస్తున్నాను. తలపొగరు అమ్మాయిగా కనపడతాను. నా క్యారెక్టర్ గురించి నేను చెప్పుకోవడం కన్నా వెండితెరమీద చూస్తేనే బాగుంటుంది. త్వరలోనే ప్రేక్షకుల ముందుకి రాబోతోందని చెప్పుకొచ్చింది.
ముఖ్యంగా గ్లామర్ క్యారెక్టర్లు చేయనని ఎప్పుడూ చెప్పలేదన్నారు. అయితే, సినిమాకి అవసరమైనంత వరకూ గ్లామర్గా కనిపించడానికి నాకు ఎలాంటి అభ్యంతరం లేదు. ఇప్పటి వరకూ నేను చేసిన క్యారెక్టర్లలో మరీ గ్లామర్గా కనిపించాల్సిన అవసరం రాలేదు. గ్లామర్ రోల్స్ వస్తే తప్పకుండా చేస్తాను. అలాగే, ఎక్స్పోజింగ్ చేయనని నేనెప్పుడూ చెప్పలేదన్నారు.
గ్లామర్ పేరుతో చిట్టిపొట్టి డ్రస్లు వేసుకోవడం, అవసరం ఉన్నా లేకపోయినా అందాలు ప్రదర్శించడం నాకు ఇష్టం ఉండదు. మా ఫ్యామిలీ ఎప్పుడన్నా ఒకసారి నా సినిమాలు చూస్తారు. అలాంటి సమయంలో నేను ఎక్స్పోజింగ్ చేసిన సన్నివేశాలు చూస్తే వెంటనే సినిమాలు మాన్పించేసి వెనక్కి తీసుకెళ్ళిపోతారు.