మెగాస్టార్ చిరంజీవి - పవన్ కళ్యాణ్ మధ్య అదేదో పెద్ద గ్యాప్ ఏర్పడిపోయిందనే ప్రచారం గత కొంతకాలంగా జరిగిపోతూనే ఉంది. పవన్ కళ్యాణ్ మాత్రం అలాటిదేమీ లేదని అంటూనే ఉంటారు. అప్పుడప్పుడు వేదికల పైనుంచి కూడా అన్నయ్యకు వ్యతిరేకంగా నేను ఉండటమా... కాకపోతే నేను వ్యతిరేకించే పార్టీలో అన్నయ్య ఉన్నారు అంటూ ఆమధ్య వ్యాఖ్యానించారు.
ఐతే, ఏ సినిమా ఫంక్షన్లోనూ ఇటీవల ఇద్దరు కలిసి కనబడిన సందర్భాలు లేవు. కానీ చిరంజీవి 60వ పుట్టినరోజు సందర్భంగా జరుగనున్న ఈ కార్యక్రమానికి ముఖ్య అతిథిగా పవన్ కళ్యాణ్ హాజరువుతాడనే ప్రచారం జరుగుతోంది. ఇందుకు సంబంధించిన ప్లాన్స్ అన్నీ జరిగిపోయాయని అంటున్నారు. అదే వేదిక నుంచి చిరంజీవి తన 150వ చిత్రం ప్రకటన కూడా చేస్తారని అంటున్నారు. చూద్దాం... చిరు 60 ఏళ్ల పుట్టినరోజుకు పవర్ స్టార్ పవన్ కళ్యాణ్ ఎలాంటి స్టెప్పు తీసుకుంటాడో..?
