బాహుబలితో ప్రపంచ దేశాలను టాలీవుడ్‌ వైపు కన్నెత్తి చూసేలా చేసిన రాజమౌళి జక్కన్న.. ప్రస్తుతం బాహుబలి2లో బిజీ బిజీగా ఉన్న రాజమౌళి సినిమాకు మరో క్రేజ్ లభించింది. ఇప్పటికే బాహుబలి అంతర్జాతీయ స్థాయిలో గుర్తింపు సాధించిన సంగతి తెలిసిందే. అంతేగాకుండా ఈ చిత్రం పలు భాషల్లో రిలీజైంది. తాజాగా ఈ సినిమాను ఫ్రెంచ్ భాషలో భారీ క్రేజ్‌తో రిలీజ్ చేయబోతున్నారు. జూన్ 8వ తేదీన ఫ్రాన్స్‌లో బాహుబలి రిలీజ్ కానుంది.
ఫ్రెంచ్‌లోనూ ఈ సినిమాకు మంచి కలెక్షన్స్ వస్తాయని సినీ పండితులు జోస్యం చెప్తున్నారు. అలాగే చైనాలో బాహుబలి విడుదలకు రంగం సిద్ధమవుతోంది. గత ఏడాది జూలై పదో తేదీన రిలీజైన బాహుబలి రూ.600 కోట్ల మార్కును తాకిన సంగతి తెలిసిందే.
ఈ నేపథ్యంలో పీకే రికార్డును బాహుబలి అధిగమించే ఛాన్సుందని సమాచారం. పీకే సినిమా పేరిట రూ.750 కోట్ల మార్క్ రికార్డు ఉంది. ఇకపోతే.. బాహుబలి 2 షూటింగ్ జూన్ నుంచి శరవేగంగా జరుగనుంది. ఈ సినిమాను వచ్చే ఏడాది (2017) సమ్మర్లో రిలీజ్ కానుంది.
