అభిమానిగా మాట్లాడాను.. పవన్ మూడు పెళ్లిళ్ల గురించి మాట్లాడలేదు: వర్మ
మెగా ఫ్యామిలీతో పాటు జనసేన అధినేత పవన్ కల్యాణ్‌పై ప్రతీసారి ట్విట్టర్‌లో కామెంట్స్ చేసే వివాదాస్పద దర్శకుడు రామ్ గోపాల్ వర్మ జనసేనాని మీడియా సమావేశంలో ఫైర్ అయ్యారు. 50ఏళ్ల వ్యక్తి.. పెళ్ళైన కూతుర్ని ప
మెగా ఫ్యామిలీతో పాటు జనసేన అధినేత పవన్ కల్యాణ్‌పై ప్రతీసారి ట్విట్టర్‌లో కామెంట్స్ చేసే వివాదాస్పద దర్శకుడు రామ్ గోపాల్ వర్మ జనసేనాని మీడియా సమావేశంలో ఫైర్ అయ్యారు. 50ఏళ్ల వ్యక్తి.. పెళ్ళైన కూతుర్ని పక్కనబెట్టుకుని ఫోర్నోగ్రఫీ ఫిలిమ్స్ చూస్తాడన్నప్పుడు ఆ వ్యక్తి గురించి తానెందుకు మాట్లాడుతానని పవన్ అన్నారు. ఒకరోజు నన్ను ఎత్తొచ్చు, ఒకరోజు నన్ను తగ్గించొచ్చు'అని పవన్ కామెంట్స్ చేశారు.
ఈ నేపథ్యంలో పవర్ స్టార్ పవన్‌కల్యాణ్‌ చేసిన వ్యాఖ్యలకు సంచలన దర్శకుడు రామ్‌గోపాల్‌ వర్మ కౌంటర్‌ ఇచ్చాడు. 'ఒక అభిమానిగా పవన్‌కల్యాణ్‌ మీద ఎక్స్‌పెక్టేషన్స్‌తో మాట్లాడాను గానీ, ఆయన చేసుకున్న మూడు పెళ్లిళ్ల గురించి, అతని వ్యక్తిగత జీవితం గురించి నేనెప్పుడూ మాట్లాడలేద'ని మొదటి ట్వీట్‌ చేశాడు రామ్ గోపాల్ వర్మ.
అనంతరం 'నా జీవితం, నా లైఫ్‌స్టయిల్‌, నేనాలోచించే విధానం, దాక్కోకుండా, దాచుకోకుండా నా పుస్తకం 'నా ఇష్టం'లో మొత్తం విప్పి విప్పి రాశాన'ని రెండో ట్వీట్‌ చేశాడు. 'వాళ్లింట్లో వాళ్ల గురించి మాట్లాడాడని రచయిత యండమూరి వీరేంద్రనాథ్‌ను తిట్టారు. మరి, వాళ్లు వేరే ఇంట్లో వాళ్ల గురించి మాట్లాడొచ్చా? ఇదేనా వికాసం' అని మూడోసారి ట్వీటాడు. చివరిగా ఐ విష్ హిమ్, హిస్ వైఫ్, హిస్ చిల్డ్రన్, హిస్ ఫ్యామిలీ, హిస్ జనసేన పార్టీ అండ్ హిస్ ఫ్యాన్స్.. ఆల్ ది బెస్ట్.. బై అంటూ వర్మ తన ట్వీట్‌ను ముగించాడు.
