చెన్నై చిన్నది త్రిష వివాహం ఆకాశంలో జరుగనుంది. ఇది వినేందుకు కాస్తంత ఎబ్బెట్టుగా ఉన్నప్పటికీ ఇది నిజం. ఇందుకోసం ఆమె తనకు కాబోయే భర్తను ఒప్పించింది. దీంతో ఆకాశంలో వివరిస్తూ ఈ చెన్నై చిన్నది తన మెడలో తమిళ తంబీతో మూడు ముళ్లు వేయించుకోనుంది.
తమిళ యువ నిర్మాత, పారిశ్రామికవేత్త వరుణ్ మణియన్‌తో త్రిష వివాహం జరుగనున్న విషయం తెల్సిందే. వీరిద్దరి నిశ్చితార్థం ఈనెల 23వ తేదీన జరుగనుంది. ఇందుకోసం ఏర్పాట్లు చెన్నైలోని ఓ నక్షత్ర హోటల్‌లో జరుగుతున్నాయి. ఈ నిశ్చితార్థానికి ఇరువురి కుటుంబ సభ్యులు, అత్యంత సన్నిహితులు, బంధువులను మాత్రమే ఆహ్వానిస్తున్నారు.
ఈ కార్యక్రమం తర్వాత వివాహ తేదీని ఖరారు చేస్తారు. అయితే, తాను ప్రత్యేక విమానంలో ఆకాశంలో హాయిగా విహరిస్తూ, ఆ గగనతలంలో మనువాడాలని త్రిష చిరకాల కోరిక. అందుకు కాబోయే భర్తను కూడా ఒప్పించిందని చెన్నయ్ సమాచారం. సో.. త్రిష వరుణ్ మణియన్‌లో వివాహం ఆకాశంలో జరుగుతుందటన్నమాట. కాగా, త్రిషకు వరుణ్ మణియన్ ఇప్పటికే రూ.7 కోట్ల విలువ చేసే రోల్స్ రాయిస్ కారును బహుమతిగా ఇచ్చిన విషయం తెల్సిందే.
