స్టైలిష్ స్టార్ అల్లుఅర్జున్, మాస్ దర్శకుడు బోయపాటి శ్రీను క్రేజీ కాంబోలో రూపొందిన చిత్రం 'సరైనోడు'. గత నెల ఏప్రిల్ 22న ప్రపంచ వ్యాప్తంగా విడుదలైంది. అయితే మొదటి షో నుండే డివైడ్ టాక్ తెచ్చుకున్న ఈ చిత్రం ఒక్క ఓవర్సీస్‌లో తప్ప మిగతా అన్ని ఏరియాల్లో కలెక్షన్ల పరంగా దూసుకుపోతోంది. ఇప్పటివరకు స్టైలిష్ పాత్రలే చేసిన బన్నీ ఈ చిత్రంతో ఊర మాస్ పాత్రలు చేసి అన్నివర్గాల ప్రేక్షకులను ఆకట్టుకున్నాడు.
లవర్‌బాయ్‌గానే కాకుండా మాస్ హీరోగా కూడా చేయగలనని ఈ సినిమా ద్వారా నిరూపించుకున్నాడు. ఈ చిత్రం రిలీజైన మొదటి పది రోజుల్లోనే రూ.50 కోట్ల మార్క్‌ని అందుకుంది. భారీ అంచనాలతో 'బ్రహ్మోత్సవం' సినిమా రిలీజై దానికి నెగిటివ్ టాక్ రావడంతో మరో వారం 'సరైనోడు' హవా కొనసాగించవచ్చని ట్రేడ్ వర్గాలు అంటున్నాయి.
'బ్రహ్మోత్సవం' డిజాస్టర్ అవ్వడం ఈ సినిమాకి అదృష్టంగా నిలిచింది. రూ.70 కోట్ల మార్క్‌ని బన్నీ కేవలం 33 రోజుల్లోనే సాధించాడు. సమ్మర్ హాలిడేస్‌ని పూర్తిగా క్యాష్ చేసుకున్న సినిమా కూడా ఇదే. తొలి రెండు వారాలు వసూళ్ళు మాత్రం బాగా కురిపించింది. ఆ తర్వాత రెండు వారాలు కూడా పెద్దగా పోటీ లేకపోవడంతో పరవాలేదనిపించింది. 5 రోజుల్లో రూ.68.36 కోట్లు వసూలు చేసిన సరైనోడు, మరో కోటిన్నర మార్క్ అందుకోవడానికి నాలుగు రోజులు తీసుకున్నాడు. మొత్తానికి యావరేజ్‌గా ఉండాల్సిన ''సరైనోడు'' ఎవరో ఊహించని రేంజ్‌లో 70 కోట్లు వసూలు చేసి బ్లాక్‌బస్టర్ లిస్టులో చేరడంతో బన్నీఅభిమానులు సంబరాలు జరుపుకుంటున్నారు.
