'ఏ మాయ చేసావే' సినిమాతో టాలీవుడ్ ఎంట్రీ ఇచ్చిన సమంత తెలుగులో మంచి పాత్రలను ఎంచుకుని తనదైన శైలిలో నటించి స్టార్ హీరోయిన్గా గుర్తింపు తెచ్చుకుంది. టాలీవుడ్‌లో మోస్ట్ వాంటెడ్ హీరోయిన్గా పేరు తెచ్చుకున్న సమంత తన సొంత భాష తమిళంలో మాత్రం ఐరన్ లెగ్ అనే ముద్ర పడేలా చేసుకుంది. అమ్మడు చేసిన సినిమాలన్ని తమిళంలో బోల్తా పడడంతో ఈ ముద్రను చెరిపేసుకోలేక పోయింది. క్రేజీ కాంబోల్లో సినిమాలు చేసిన అవి ప్రేక్షకులను అలరించలేదు. ఏకంగా తమిళ సినిమాల కోసం టూ పీస్ బికినీ వేసినా లాభం లేకుండా పోయింది.
అయితే అమ్మడు విక్రంతో నటించిన '10 ఎన్రదుకుల్ల' సినిమా ఫ్లాప్‌ని మాత్రం అమ్మడు జీర్ణించుకోలేకపోయింది. భారీ అంచనాలతో వెలువడిన '10 ఎన్రదుకుల్ల' కోలీవుడ్‌లో పరాజయం పొందింది. తరువాత ధనుష్ హీరోగా వచ్చిన 'తంగమగన్' పరాజయంతో కోలీవుడ్ అంతా సమంతను ఐరన్ లెగ్ అనేస్తున్నారు. ప్రస్తుతం పరిస్థితుల ప్రభావం చూస్తే అది నిజమేనా అనిపిస్తుంది. రీ సెంట్‌గా రిలీజ్‌ అయిన 'బెంగళూర్‌ నాట్కాల్‌' కూడా ఫ్లాప్ అయ్యింది. ఇలాంటి సమయంలో తనకి 'కత్తి'తో తొలి హిట్ ఇచ్చిన విజయ్, తన 'తెరి' సినిమాలో సమంతను హీరోయిన్గా తీసుకున్నాడు.
ప్రస్తుతం సూపర్ స్టార్ మహేష్ బాబుతో 'బ్రహ్మోత్సవం', త్రివిక్రమ్ దర్శకత్వం లో 'అ..ఆ' తమిళ్ లో సూర్య సరసన '24' చిత్రాల్లో నటిస్తుంది. ఈ చిత్రాలు బాక్స్ ఆఫీసు దగ్గర అటు ఇటుగా ఆడితే సమంతకు ఐరన్ లెగ్ అని ముద్ర పాడడం ఖాయమని సినీ ప్రముఖులు అంటున్నారు. ఈ సినిమాల ద్వారా సమంత ఐరన్ లెగ్ అవుతుందా లేక గోల్డెన్ లెగ్ అవుతుందో.. వేచి చూడాల్సిందే.
