నాగ చైతన్య హీరోగా నటిస్తున్న తాజా చిత్రం ఒక లైలా కోసం. ఈ చిత్రం విడుదల తేదీకి ముందు వెనుకా పోటీ తప్పడం లేదు. 'గుండెజారి గల్లంతయ్యిందే' చిత్ర దర్శకుడు విజయ్ కుమార్ రూపొందిస్తున్న ఈ చిత్రంలో చైతుకు జోడీగా పూజాహెగ్డే నటిస్తోంది. అయితే, ఈ చిత్రాన్ని వచ్చే నెల 5వ తేదీన విడుదల చేయాలని భావించారు. కానీ, అదే రోజున మాస్ మహారాజా రవితేజ కొత్త చిత్రం "పవర్"ను విడుదల చేసేందుకు ప్లాన్ చేశారు.
ఈ చిత్ర విడుదల తేదీకి ఒక వారం రోజులు ముందుగా ఉంటే హీరో నాగార్జున పుట్టిన రోజైన ఆగస్టు 29వ తేదీన విడుదల చేయాలని ప్లాన్ చేయగా, అదే రోజున జూనియర్ ఎన్టీఆర్ నటించిన "రభస" చిత్రాన్ని విడుదల చేయనున్నట్టు నిర్మాత బెల్లంకొండ సురేష్ ప్రకటించారు. దీంతో నాగ చైతన్య 'రభస'తో పోటీ పడుతారా లేక 'పవర్'తో ఢీ కొంటారా అనేది తేలాల్సి వుంది.
