నటనకు కొంతకాలంగా దూరంగా ఉంటున్న అక్కినేని నాగేశ్వరరావుతో ఓ భారీ బడ్జెట్ సినిమా రూపొందే దిశగా సన్నాహాలు జరుగుతున్నాయని ఇటీవల టాలీవుడ్‌లో వార్తలు తిరుగాడుతున్నాయి. అంతేకాదు ఆ చిత్రంలో అక్కినేనిని గ్రాఫిక్స్ సహాయంతో కుర్రవాడిగా మార్చి చూపుతారనీ, ఆయన సరసన హాట్ నటి అనుష్క నటిస్తుందని కొన్ని పత్రికలు వార్తలు కూడా రాశాయి.
ఈ "గాలి" వార్త ఆ నోటా.. ఈ నోటా.. తిన్నగా ఏఎన్నార్‌కు చేరింది. ఈ వార్తను విన్న అక్కినేని పకపకా నవ్వుతూ.... నన్ను కుర్రవాడిగా చూపుతూ భారీ బడ్జెట్ చిత్రమా...? పైగా నాతో అనుష్క నటిస్తుందా...? అని ఆశ్చర్యాన్ని వ్యక్తం చేశారట.
అక్కినేని ఆశ్చర్యాన్ని వ్యక్తం చేసి వదిలేస్తే.. అనుష్క మాత్రం కాసేపు ఏ మాట్లాడో తెలియక అలా చూస్తుండి పోయిందట. మరి "గాలి వార్త" అంటే అంతేమరి!!