యుగానికి ఒక్కడులో నటించిన నటి ఆండ్రియాకు సిగ్గెక్కువంట. కెమేరా ముందు నటించడం వరకైతే బాగానే ఉంటుందనీ, దాన్ని తెరపై చూసుకోవాలంటే.. సిగ్గనిపిస్తుందని చెబుతోంది. కార్తి, ఆండ్రియా, రీమాసేన్ నటించిన చిత్రం యుగానికి ఒక్కడు ఇటీవలే తెలుగు, తమిళాల్లో విడుదలైంది.
ఈ చిత్రం ప్రమోషన్లో భాగంగా హైదరాబాద్ వచ్చిన ఆమె తన చిత్రం గురించి చెపుతూ ఆడియన్స్ రెస్పాన్స్ బాగుందని చెప్పింది. తెరపై చూసుకున్నప్పుడు ఎలా అనిపించిందనేదానికి కాస్త సిగ్గుపడుతూ తెరపై తనను తాను చూసుకోవాలంటే నిజంగా సిగ్గని చెప్పింది.
నటిగా మీ తప్పొప్పులు తెలుసుకోవాలి కదా... అని అడిగితే ప్రతి ఫిమేల్ ఆర్టిస్ట్ సిగ్గుపడతారనీ, కానీ వారు చెప్పలేరు.. నేను చెపుతున్నాని అంటోంది. అందులో హాట్ సీన్స్ ఉన్నాయా...? అని అడిగితే... హాట్ సీన్స్ చేయాలంటే కథ నచ్చాలని అంటోంది. ఆల్రెడీ హీరో కార్తి ఇద్దరు హీరోయిన్లతో చాలా ఎంజాయ్ చేశానని చెప్పాడు. మరి ఆండ్రియాకు ఆ ఎంజాయ్‌మెంట్ గుర్తుకు వచ్చి సిగ్గుపడుతుందేమోమరి...