ప్రముఖ తమిళ నటుడు ఎస్.ఎస్. రాజేంద్రన్ (ఎస్.ఎస్.ఆర్-86) శుక్రవారం కన్నుమూశారు. నట దిగ్గజాలైన ఎంజీఆర్, శివాజీ గణేశన్‌ సమకాలికులైన.. రాజేంద్రన్ ఎస్.ఎస్.ఆర్‌గా తమిళ సినీ ప్రేక్షకులకు సుపరిచితులు.
గత కొన్ని రోజులుగా అనారోగ్యంతో బాధపడిన ఎస్.ఎస్.ఆర్ చెన్నైలోని ఓ ప్రైవేట్ ఆసుపత్రిలో శుక్రవారం తుదిశ్వాస విడిచారు. డీఎంకే తరపున ఎమ్మెల్యేగా ఎన్నికైన ఎస్.ఎస్.ఆర్... ఆ తర్వాత ఎంజీఆర్ స్థాపించిన అన్నాడీఎంకేలో చేరారు.
కొంతకాలం తర్వాత రాజకీయాలకు పూర్తిగా స్వస్తి పలికారు. ఎస్.ఎస్.ఆర్ మృతి పట్ల పలువురు తమిళ, తెలుగు సినీ ప్రముఖులు విచారం వ్యక్తం చేశారు. అలాగే తమిళనాడు సీఎం జయలలిత ఎస్.ఎస్.ఆర్ మృతి పట్ల సంతాపం వ్యక్తం చేశారు.
