మెగాస్టార్ చిరంజీవి బర్త్ డే రోజున మెగా వారసుడి ఫస్ట్ లుక్ రిలీజ్ అయ్యింది. మెగాబ్రదర్ నాగబాబు తనయుడు వరుణ్‌తేజ్ హీరోగా పరిచయమవుతున్న చిత్రం "ముకుంద". ఈ సినిమా ఫస్ట్ లుక్ శుక్రవారం విడుదలైంది.
పూజా హెగ్డే హీరోయిన్‌గా నటిస్తున్న ఈ చిత్రాన్ని కొత్తబంగారులోకం, సీతమ్మ వాకిట్లో సిరిమల్లె చెట్టు చిత్రాల ఫేమ్ శ్రీకాంత్ అడ్డాల దర్శకత్వం వహిస్తున్నారు.
నల్లమలుపు బుజ్జి నిర్మిస్తున్న ఈ సినిమా ఫస్ట్ లుక్‌లో వరుణ్ తేజ్ అదిరిపోయాడని టాక్ వచ్చేసింది. ఈ సందర్భంగా నిర్మాత మాట్లాడుతూ.. మెగాస్టార్ పుట్టినరోజును పురస్కరించుకుని ఫస్ట్‌లుక్‌ను రిలీజ్ చేశామన్నారు.
సినిమా షూటింగ్ తుదిదశకు చేరుకుందని.. మిక్కీ.జె. మేయర్ అద్భుతంగా సంగీతం సమకూర్చారన్నారు. సెప్టెంబర్‌లో పాటల్ని, అక్టోబర్‌లో సినిమాను రిలీజ్ చేసేందుకు సర్వం సిద్ధం చేసుకుంటున్నట్లు నిర్మాత వెల్లడించారు.
