రాంగోపాల్ వర్మ దర్శకత్వంలో వచ్చి సంచలనం సృష్టించిన 'శివ' రోటిన్ చిత్రాలకు బ్రేక్ వేసి అప్పట్లో దేశవ్యాప్తంగా మంచి పేరు సాధించింది. రాంగోపాల్ వర్మ దర్శకుడుగా రూపొందించిన శివ చిత్రం టాలీవుడ్ సినీ ఇండస్ట్రీలో చరిత్ర సృష్టించడమే కాకుండా నాగార్జునకు మాస్ హీరో ఇమేజ్ ను తెచ్చిపెట్టింది.
ఆ తర్వాత శివ చిత్రం టైపు చిత్రాలు ఎన్నో దూసుకు వచ్చాయి. అంతేకాదు ఆ చిత్రంలోనటించిన ఎంతోమంది నటులకు మంచి బ్రేక్ ఇచ్చింది శివ. ఈ చిత్రం విడుదలై 25 సంవత్సరాలు పూర్తి కాబోతుంది. ఈ నేపథ్యంలో 'శివ' చిత్రంపై డాక్యుమెంటరీని తీశారు. దీనిని అక్టోబర్ 5 తేదిన విడుదల చేయబోతున్నారు. డాక్యుమెంటరీ వివరాలను రాంగోపాల్ వర్మ తన ట్విట్టర్లో వెల్లడించారు.
