ఆంధ్ర సెపరేట్‌ అయ్యాక..... విజయాడలో సినిమా సందడి ఎక్కువైంది. ప్రమోషన్లలో భాగంగా పలువురు హీరోలు ఏదో నెపంతో అక్కడికి వస్తున్నారు. కొత్తకొత్త షాపింగ్‌మాల్స్‌ ప్రారంభోత్సవాలకు రావడం వంటివి జరుగుతున్నాయి. రెండురోజుల నాడు కాజల్‌, సమంతలు కూడా విజయవాడలో వస్త్ర దుకాణాలను ప్రారంభించారు.
అంతకుముందు గోపీచంద్‌.. లౌక్యం ప్రమోషన్‌లో భాగంగా థియేటర్లలో హాజరయ్యారు. తాజాగా కార్తికేయ సినిమా ప్రమషన్‌ కోసం హీరో నిఖిల్‌ విజయవాడ స్వర్ణ ప్యాలెస్‌లో రిలీజ్‌కు ముందుగానే ఫ్యాన్స్‌తో సందడి చేశాడు. థియేటర్‌ దగ్గరలో పోస్టర్లను అంటించి ఉత్సాహపర్చారు. ఈ రోజు ఆ చిత్రం విడుదలైంది. విజయవాడలో తనకు ఎంతో అనుబంధముందనీ, ఇక్కడ చాలాసార్లు సినిమాలు చూశాననీ చెప్పారు.
అంతేకాకుండా.... ప్రస్తుతం అక్కడ శివారు ప్రాంతాల్లో సీరియల్స్‌, చిన్న చిత్రాలు షూటింగ్‌లు జరుపుకుంటున్నాయి. ఇటీవలే పనిలేని పులిరాజు వంటి చిత్రం షూటింగ్‌ సగానికి పైగా అక్కడే జరిగింది. మరికొన్ని చిత్రాలు కూడా జరుగుతున్నాయి.
