పవన్ కళ్యాణ్ పుట్టినరోజు ఎప్పుడు వస్తుందా అని వాళ్లంతా తెగ ఎదురుచూస్తున్నారట. ఇంతకీ ఎవరు వాళ్లనేగా మీ సందేహం. అదేనండీ... పవన్ మేనల్లుడు సాయిధరమ్ తేజ్ నటించిన పిల్లా నువ్వులేని జీవితం స్పెషల్ ట్రైలర్ ను సెప్టెంబరు 2న విడుదల చేసేందుకు సన్నాహాలు చేస్తున్నారట. అదేవిధంగా పవన్ కళ్యాణ్, వెంకటేష్ కాంబినేషన్లో వస్తున్న గోపాల గోపాల చిత్రం ఫస్ట్ లుక్ విడుదల చేసేందుకు కూడా సెప్టెంబరు 2 ముహూర్తాన్ని ఎంచుకున్నారట. ఈ రెండు తాయిలాలను పవన్ అభిమానులకు ఇచ్చేందుకు ప్లాన్ చేస్తున్నారట.
ఐతే ఈ రెండింటితో పాటు పవన్ మాజీ భార్య రేణూదేశాయ్ కూడా భారీ ప్లాన్ చేస్తున్నట్లు చెప్పుకుంటున్నారు. రేణూ దేశాయ్ తెరకెక్కించిన ‘ఇష్క్ వాలా లవ్’ సినిమా క్రేజ్ పెంచుకోవడానికి పవన్ ఇమేజ్ ను బాగా ఉపయోగించుకోవాలని చూస్తున్నట్లు సమాచారం. ఇప్పటికే ఆడియోనాడు పవన్ సంతకంతో ఉన్న సీడీని చూపించి హైప్ సృష్టించిన రేణూ, పవన్ బర్త్ డేనాడు ‘ఇష్క్ వాలా లవ్’ టీజర్ ను విడుదల చేసి పవన్ పుట్టినరోజుకు తన బహుమతి అంటూ ట్వీట్లు ఇచ్చేందుకు సిద్ధమయిపోతోందన్న ప్రచారం జరుగుతోంది.
