ఆలియా భట్ ఇటీవల బాలీవుడ్లో తారాజువ్వలా సెక్సీ రాకెట్లా దూసుకొచ్చిన హీరోయిన్. ఈ హీరోలున్నారే... అని కొంతమంది అంటుంటే ఆలియా మాత్రం ఆ హీరో ఉన్నాడే అంటోందట. ఇంతకీ ఆ హీరో ఎవరనేగా మీ క్వచ్చన్. మరేంలేదు... కత్రినా కైఫ్, రణబీర్ కపూర్ మధ్య ఎంతో కాలంగా లవ్వాట సాగుతోంది. పెళ్లి కూడా చేసుకుంటారనే వార్తలు సైతం వచ్చాయి.
దీనితో వాళ్లిద్దరూ అర్థరాత్రి పార్టీలు చేసుకుంటున్నా ఎవరూ పట్టించుకోలేదు. కానీ ఈమధ్య వారిద్దరూ కలిసి ఎక్కడా కనిపించట్లేదట. పైగా రణబీర్ కపూర్ సరసన కత్రినా కైఫ్ నటించాల్సిన సినిమా నుంచి ఆమెను పనిగట్టుకుని తొలగించాడట రణబీర్.
తొలగిస్తే తొలగించాడు.. ఆ స్థానంలో ఆలియా భట్ కు ఛాన్సిచ్చాడట. ఆమెకు ఛాన్సివ్వడమే కాదు అర్థరాత్రి పార్టీలకు కూడా ఆమెతో తెగ తిరుగుతున్నాడట. ఈ విషయం తెలుసుకున్న కత్రినా కస్సుబుస్సుమంటోందట.
