వివాదాస్పద దర్శకడు రాంగోపాల్ వర్మపై ఉత్తరప్రదేశ్ లోని లుధియానా పోలీసు స్టేషన్లో కేసు నమోదు అయ్యింది. మార్చి ఒకటో తేదిన 'మెసెంజర్ ఆఫ్ గాడ్' సినిమాపై వర్మ తన ట్విట్టర్ అకౌంట్ ద్వారా విమర్శలు చేసిన విషయం తెలిసిందే.
వర్మ వివాదాస్పద ట్విట్లపై డేరా అనుచరుడు రామ్ రహీం సింగ్ లుధియానా పోలీస్ స్టేషన్ లో ఫిర్యాదు చేశాడు. పోలీసులు బుధవారం వర్మపై సెక్షన్ 66A కింద కేసు నమోదుచేశారు. ఇప్పటికే ఇద్దరు పోలీసులు వర్మకు నోటీసులు అందించేందుకు ముంబయి చేరుకున్నారు.
డేరా సచ్చా సౌద అధినేత గుర్మిత్‌రామ్‌ రహీం సింగ్ అలియాసా డేరా బాబాను వర్మ 'గాడిద'గా అభివర్ణించిన విషయం తెలిసిందే. అలాగే క్లాస్ బ్రీడ్ అంటూ వివాదాస్పద పదజాలం వాడుతూ ట్వీట్ చేశారు. మరోవైపు సెక్షన్ 66Aను సోమవారం సుప్రీంకోర్టు కొట్టివేసిన విషయం తెలిసిందే. మరి వర్మపై లుధియానా పోలీసులు పెట్టిన కేసు ఎంతవరకూ నిలుస్తుందో వేచి చూడాలి.
