చిరంజీవి 150వ సినిమాపై మెగాస్టార్ అభిమానుల్లో విపరీతమైన క్రేజ్ నెలకొన్న నేపధ్యంలో త్వరలోనే ప్రకటన వెలువడనుందని చిరు తనయుడు, హీరో రామ్చరణ్ మెగాస్టార్ చిరంజీవి పుట్టినరోజు నాడు తెలియజేశారు. తన తండ్రి నటించనున్న సినిమాపై నెల రోజుల్లో స్పష్టత వస్తుందన్నారు. బ్లడ్ బ్యాంక్ లో చిరంజీవి జన్మదిన వేడుకల్లో స్టైలిష్ స్టార్ అల్లు అర్జున్, వరుణ్ తేజ్, ఇంకా నాగబాబు తనయుడుతో కలిసి రామ్చరణ్ పాల్గొన్నారు. ఈ సందర్భంగా రామ్ చరణ్ మాట్లాడుతూ... నాన్నగారి 150 సినిమాపై అందరూ ఆసక్తి కనబరుస్తున్నారని చెప్పుకొచ్చారు.
ఇదిలావుంటే చిరంజీవి తన సతీమణితో సహా నేపాల్ వెళ్లారు. అక్కడ పూజలు చేసేందుకు వెళ్లినట్లు చెపుతున్నారు. మరోవైపు రామ్ చరణ్ తన తండ్రికి దాదాపు 1.25 కోట్ల విలువైన ల్యాండ్ క్రూజర్ విఎక్స్ వి8 మోడల్ కు చెందిన విలాసవంతమైన కారును పుట్టినరోజు బహుమతిగా ఇచ్చాడు. ఈ కారును చిరంజీవి తన నేపాల్ పర్యటన ముగించుకుని వచ్చిన తరువాత ఉపయోస్తాడని టాలీవుడ్ న్యూస్.