వెండితెరపై అగ్రతారగా వెలుగుతున్న అందాల తార నయనతార. ఆమె సినీ కెరీర్ పరంగా వెలిగిపోతున్నప్పటికీ, వ్యక్తిగత జీవితంలో మాత్రం ఎన్నో ఎదురు దెబ్బలు తగిలాయి. రెండుసార్లు ఆమె ప్రేమలో ఫెయిలైంది. మొదట శింబుతో ఆమె ప్రేమాయణం బెడిసికొట్టగా, అనంతరం ప్రభుదేవాతో పెళ్లి వరకు వెళ్ళిన ప్రేమాయణం బ్రేకప్ అయింది.
దీంతో ఆమె ప్రభుదేవాపై ఇప్పటికీ తీవ్ర ఆగ్రహంతో ఉంది. అతనిని జీవితంలో క్షమించేది లేదని సన్నిహితులతో అంటుంటుందట. ఈ నేపథ్యంలో ప్రభు ఆమెకు మళ్లీ దగ్గరవ్వాలని ప్రయత్నిస్తున్నట్టు సమాచారం. నయనను తనతో కలపాల్సిందిగా ప్రభు ఓ టాలీవుడ్ నిర్మాతను కోరాడనీ, ఆయన ఆమెను సంప్రదించగా నయన ఆగ్రహాన్ని వ్యక్తం చేసిందనీ, మళ్లీ ఇటువంటి వాటి కోసం తన ముందుకు రావద్దని ఆ పెద్దమనిషి హెచ్చరించి పంపిందట.
జీవితంలో మళ్లీ అతనితో కలిసేది లేదని తెగేసి చెప్పిందట. ఇందులో నిజమెంతుందో కానీ, ఈ వార్త మాత్రం ఇప్పుడు బాగా ప్రచారంలో వుంది. మరో వైపు నయన తల్లిదండ్రులు ఆమెకు తగిన వరుడి కోసం గాలిస్తున్న సమాచారం.
