ప్రముఖ సినీ నటుడు, నిర్మాత డాక్టర్ ఎం.మోహన్ బాబు రెండో కుమారుడు మంచు మనోజ్ కి సంకెళ్లు పడనున్నాయి. అంటే... యంగ్ హీరో మంచు మనోజ్, ప్రణతిరెడ్డిల నిశ్చితార్ధం బుధవారం జరుగుతుంది. బంజారాహిల్స్‌లోని పార్క్ హయత్ హోటల్‌లో ఈ నిశ్చితార్థ కార్యక్రమం నిర్వహించారు. ఈ కార్యక్రమానికి మోహన్‌బాబు పలువురు ప్రముఖ రాజకీయ మరియు సినీ తారలను ఆహ్వానించారు.
ఇందుకోసం మోహన్‌బాబు కుటుంబం అన్ని ఏర్పాట్లు చేసింది. తెలంగాణ, ఆంధ్రప్రదేశ్ ముఖ్యమంత్రులు కేసీఆర్, చంద్రబాబు నాయుడుతో పాటు తమిళ సూపర్‌స్టార్ రజనీకాంత్, బిగ్ బీ అమితాబ్ బచ్చన్ కూడా హాజరు కానున్నట్టు సమాచారం. కాగా పలువురు సినీ, రాజకీయ ప్రముఖులు రానుండటంతో మంగళవారం హోటల్ వద్ద పోలీసులు బందోబస్తు ఏర్పాటు చేసేందుకు సిద్ధమవుతున్నారు.
తమ కుటుంబంలోకి రాబోయే 'ప్రణతిరెడ్డి' తనకు మూడో కూతురు అని హీరో మోహన్ బాబు ట్విట్ చేసిన విషయం తెలిసిందే. మంచు లక్ష్మి, విరానికా లాగా తనకు ఆమె మరో కుమార్తెగా ఆయన అన్నారు. కాగా ప్రణతి రెడ్డి బిట్స్ పిలానిలో మెకానికల్ ఇంజనీరింగ్ పూర్తి చేసింది. అంతేకాకుండా మంచు విష్ణు భార్య విరానికాకు క్లాస్ మేట్ అనే విషయం తెలిసిందే.
