జూనియర్ ఎన్టీఆర్, ప్రణతి దంపతులకు మంగళవారం పండంటి బాబు పుట్టాడు. జూనియర్ ఎన్టీఆర్‌కు బాబు పుట్టడంతో అటు నందమూరి, నారా కుటుంబం పండగ చేసుకుంటుంటే.. అభిమానులు సైతం నందమూరి వంశానికి కొత్త వారసుడొచ్చాడని స్వీట్లు పంచుకుంటూ పార్టీ చేసుకుంటున్నారు.
ఇంకా జూనియర్ ఎన్టీఆర్ తాత పోలికలో పుట్టాడు కాబట్టి.. అతని పుత్రుడికి కూడా సీనియర్ ఎన్టీఆర్ పోలికలు వచ్చాయోమోనని అభిమానులు ఆత్రుతగా ఎదురుచూస్తున్నారు. ఒకవేళ జూనియర్ పుట్టిన జూనియర్‌కు సీనియర్ పోలికలొచ్చేస్తే ఎంతో సంతోషంగా ఉంటామని ఎన్టీఆర్ అభిమానులు అనుకుంటున్నారు.
కాగా నందమూరి ఇంట మంగళవారం మరో వారసుడు జన్మించాడు. ప్రముఖ సినీ నటుడు జూనియర్ ఎన్టీఆర్ తండ్రి అయ్యారు. జూ.ఎన్టీఆర్, లక్ష్మీ ప్రణతి దంపతులకు పండండి మగబిడ్డ జన్మించాడు. మంగళవారం మంగళవారం ఉదయం 11 గంటలకు హైదరాబాద్‌లోని రైన్ బో ఆస్పత్రిలో ప్రణతి బాబుకు జన్మనిచ్చారు.
జూనియర్‌కు మరో జూనియర్ జన్మించడంతో నందమూరి, నార్నే కుటుంబాల్లో సందడి నెలకొంది. ఎన్టీఆర్ తండ్రి హరికృష్ణ, సోదరుడు కళ్యాణ్ రామ్ ఆసుపత్రికి వెళ్లి తమ వారసుడిని చూశారు. ఈ సందర్భంగా హరికృష్ణ ఫోన్లు చేస్తూ పలువురితో తన ఆనందాన్ని పంచుకున్నారు.
ఇదిలా ఉంటే అల్లు అర్జున్, స్నేహా రెడ్డిలకు కూడా మగశిశువు జన్మించిన సంగతి తెలిసిందే. అల్లు అర్జున్ తనయుడి ఫస్ట్ లుక్ ఫోటోలను బన్నీ విడుదల చేశారు. మరి జూనియర్ ఎన్టీఆర్ తన పుత్రుడిని ఎప్పుడు చూపిస్తారా అంటూ అభిమానులు వేచి చూస్తున్నారు.
