దక్షిణాదిలో బిజీ బిజీ బ్యూటీ కలర్స్ స్వాతి. ఈ బ్యూటీ తెలుగులో నటించిన 'స్వామి రారా', 'కార్తికేయ' సినిమాలు హిట్టు కొట్టడంతో ఒక్క సారిగా అమ్మడు డిమాండ్ పెరిగింది. ప్రస్తుతం ఈ బ్యూటీ తెలుగులో కన్నా తమిళ, మలయాళ భాషల్లో ఎక్కువ చిత్రాలు చేస్తూ బిజీగా ఉంది. అందుకే ఈ అమ్మడు నాగార్జున పక్కన నటించే అవకాశం వచ్చినా చేయలేకపోయింది. ఈ అమ్మడుకి 'గీతాంజలి' సీక్వెల్‌లో నటించే ఛాన్స్ చిక్కింది.
నటి అంజలి ప్రధానపాత్రలో నటించి ఆమధ్య విడుదలైన 'గీతాంజలి' మంచి హిట్ కొట్టిన విషయం తెలిసిందే. దీంతో ఆ చిత్ర దర్శకుడు రాజ్ కిరణ్ 'గీతాంజలి' సీక్వెల్ చేసేందుకు నిర్ణయించారు. ఇందులో నటించమని అంజలిని కోరగా, ఆమె భారీ మొత్తాన్ని డిమాండు చేసిందట. దీంతో ఆమెను పక్కన పెట్టి, స్వాతిని సంప్రదించగా, ఓకే చెప్పిందట. ప్రస్తుతం ఈ చిత్ర ప్రీ ప్రొడక్షన్ పనులు జరుగుతున్నాయి.
