కండల వీరుడు ఆర్నాల్డ్ ష్వార్జ్ నెగ్గర్ గురించి ఆట్టే ఎక్కువ చెప్పక్కర్లేదు. హాలీవుడ్ చిత్రాల్లో అతడి కండలు చూపిస్తూ చేసే పోరాటలను ప్రపంచంలోని చాలామంది కుర్రాళ్లు అతడి ఫొటోలు తమ గదుల్లో పెట్టుకుని అలా తమ రూపాన్ని తీర్చిదిద్దుకోవాలని అనుకుంటుంటారు. అంతటి పేరుగాంచిన ఆర్నాల్డ్ 'ఐ' ఆడియో కార్యక్రమానికి విచ్చేశాడు. టెర్మినేటర్ హీరో వచ్చేసరికి ఇండియా మీడియా కెమెరాలన్నీ ఆయనపైనే దృష్టి కేంద్రీకరించాయి.
ఐతే కార్యక్రమం ముగిశాక ఆర్నాల్డ్ తన సొంత దేశంలో తీసుకునే ఆహారానికి బదులు చెన్నై ఇడ్లీ-సాంబార్, దోశ, పొంగల్ తెగ తినేశాడట. వాటిని తిన్నాక చొక్కా విప్పి సుమారు ఆరు గంటల పాటు చెమటలు కక్కేలా వర్కవుట్లు చేసి అందరినీ ఆశ్చర్యానికి గురిచేశాడట. టెర్మినేటర్ అంటే అంతేమరి. ఊరకనే తినేసి బొజ్జ పెంచుకుని కూర్చోలేక ఆపసోపాలు పడేమాదిరి కాదు ఈ హీరో. ఎక్కడ ఉన్నా... టైం అంటే టైం.. వర్కవుట్లంటే వర్కవుట్లే.
