సింధూ మీనన్ : ఆత్మహత్యాయత్నం చేయలేదండి బాబూ!
, మంగళవారం, 10 సెప్టెంబరు 2013 (16:23 IST)
ఆత్మహత్యాయత్నం వార్తలపై స్వయంగా నటి సింధూ మీనన్ ఖండించింది. ఆత్మహత్యాయత్నం చేశానంటూ మీడియాలో వచ్చిన రూమర్లను సింధూ మీనన్ కొట్టిపారేసింది. అప్పుల బారి పడిన సింధూమీనన్ ఆత్మహత్యకు ప్రయత్నించారని.. అపస్మారక స్థితిలో ఉన్న ఆమెను చెన్నైలోని ఓ ఆస్పత్రిలో చేర్పించారని మీడియాలో పుకార్లు షికార్లు చేసిన సంగతి తెలిసిందే. ఈ నేపథ్యంలో తాను ఆత్మహత్యకు ప్రయత్నించానని వచ్చిన వార్తల్లో వాస్తవం లేదు అని సింధు మీనన్ వెల్లడించారు. కాగా... తెలుగులో చందమామ, భద్రాచలం, సిద్ధం చిత్రాల్లో నటించిన సింధూ మీనన్, తమిళంలో కాదల్ పూక్కల్, యూత్, ఈరమ్ చిత్రాల్లో నటించింది.
