కౌశల్, సైరాభాను, ఏక్తాత్రివేది, శ్రీరేఖ హీరోహీరోయిన్లుగా.. జి.శేఖర్ చంద్ర దర్శకత్వంలో టి. సుల్తాన్ నిర్మిస్తున్న ద్విభాషా చిత్రం "అనగనగా ఒక అరణ్యం". హిందీలో "హమ్ ఆప్‌కే సాథ్ హై" పేరుతో రూపొందుతోంది. తెలుగులో ఈ సినిమా మొదటి షెడ్యూల్ పూర్తి చేసుకుంది.
ఈ సందర్భంగా సంస్థ కార్యాలయంలో గురువారం ఏర్పాటు చేసిన విలేకరుల సమావేశంలో నిర్మాత మాట్లాడుతూ... మొదటి షెడ్యూల్ ఏడు రోజుల పాటు రామోజీ ఫిలిం సిటిలో చిత్రీకరించామని, 40శాతం టాకీ పూర్తందని అన్నారు.
ఈ సినిమా వైవిధ్యభరిత యాక్షన్ మూవీగా తెరకెక్కనుందని హీరో కౌశల్ తెలిపారు. లవ్ ట్రాక్ చక్కగా వచ్చిందని సైరాభాను తెలిపారు. దర్శకుడు జి. శేఖర్ చంద్ర మాట్లాడుతూ.. రెండో షెడ్యూల్ ఈ నెల 19 నుంచి కడప జిల్లాలోని దట్టమైన అడవుల్లో తీయనున్నట్లు తెలిపారు. క్లైమాక్స్‌ను ముంబైలో షూట్ చేస్తామని, ఇందులో విలన్‌గా ఫిరోజ్ నటిస్తున్నారని వెల్లడించారు.
వినోద్, అలేఖ్య, శ్రీకాంత్, అక్షయ, చందు, పూర్ణిమ, ప్రసూన, ఆశ తదితరలు నటిస్తున్న ఈ చిత్రానికి కథ... టి. సుల్తాన్, మాటలు... ఎస్. చిరంజీవి, పాటలు... టి.ఎస్, పి.ఎస్ వర్మ, సంగీతం... టి.ఎస్, కెమెరా... పి. సుధాకర్ రెడ్డి, ఎడిటింగ్... రాంబాబు.
