మహేష్‌పై స్వీట్‌గా రివేంజ్ తీర్చుకున్న యంగ్ టైగర్
, మంగళవారం, 8 అక్టోబరు 2013 (13:39 IST)
తెలుగు సినిమాల్లో హిట్ సినిమాలోని సన్నివేశాలను, పాటలను కామెడీ కోసం పెరడీ చేసి తమ సినిమాలో పెట్టుకుంటారు. ఎక్కువుగా కామెడీ స్టార్ అల్లిరి నరేష్ టాప్ హీరోల సినిమాల్లోని సన్నివేశాల్ని పెరడీ చేసి కామెడీ పండిస్తాడు. అయితే ఇప్పుడు ఈ పెరడీలు పెద్ద హీరోలు కూడా చేస్తున్నారు.అయితే తాజాగా విడుదలైన జూనియర్ ఎన్టీఆర్ 'రామయ్యా వస్తావయ్యా' లేటెస్ట్ టీజర్ సరికొత్త సంచలనానికి తెరతీసింది. ఈ చిత్రం ప్రమోషన్‌లో భాగంగా కొత్త కామెడీ ట్రైలర్‌ని విడుదల చేసారు. ఆ ట్రైలర్‌లో మహేష్ బాబు సూపర్ హిట్ చిత్రం 'సీతమ్మ వాకిట్లో సిరిమల్లె చెట్టు'లోని టైటిల్ సాంగ్‌ని కామెడీ చేసాడు ఎన్టీఆర్. గతంలో మహేష్ సూపర్ హిట్ దూకుడులో యమదొంగలోని ఎన్టీఆర్ డైలాగ్‌ని కామెడీ చేసాడు. దానికి ప్రతిగా ఇలా ఈ చిత్రంలో సెటైర్లు వేసి స్వీట్ రివేంజ్ తీర్చుకున్నాడని అంటున్నాయి టాలీవుడ్ వర్గాలు.
