నాగచైతన్య సరసన మిస్ ఇండియా పూజా హెగ్డే
, సోమవారం, 7 అక్టోబరు 2013 (12:33 IST)
అక్కినేని నాగచైతన్య సరసన మిస్ యూనివెర్స్ ఇండియా (2010) పూజా హెగ్డే జతకట్టనుంది. ఈమధ్య 'గుండె జారి గల్లంతయ్యిందే' హిట్ చిత్రాన్ని రూపొందించిన విజయకుమార్ కొండా దర్శకత్వంలో చైతన్య ఓ చిత్రాన్ని చేస్తున్నాడు. అన్నపూర్ణా స్టూడియోస్ నిర్మించే ఈ చిత్రంలో కథానాయికగా పూజా హెగ్డేని ఎంపిక చేస్తున్నట్టు వార్తలు వస్తున్నాయి. సరికొత్త ప్రేమకథా చిత్రంగా రూపొందే ఈ సినిమా షూటింగు త్వరలో మొదలవుతుంది. ప్రస్తుతం ప్రీ ప్రొడక్షన్ పనులు జరుగుతున్నాయి. ఇదిలా ఉంచితే, ప్రస్తుతం నాగచైతన్య 'మనం' సినిమాలో నటిస్తున్నాడు.
