గ్రేటెస్ట్ యాక్టర్ ఎన్టీఆర్‌కు 53 శాతం ఓట్లు... తర్వాత కమల్
, శనివారం, 9 మార్చి 2013 (13:32 IST)
నందమూరి తారక రామారావు గొప్పనటుడిగా 53 శాతం ఓట్లు సాధించారు. తద్వారా దేశంలోనే అత్యుత్తమ నటుడిగా నిలిచారు. భారతీయ సినిమా వందేళ్లు పూర్తి చేసుకుంటున్న నేపథ్యంలో ఓ ఛానెల్ నిర్వహించిన పోల్‌లో ఎన్టీఆరే టాప్‌లో నిలిచారు. ఎన్టీఆర్‌నే గొప్ప నటుడిగా 53 శాతం మంది ఓట్లేశారు. అలాగే విశ్వరూపం కమల్ హాసన్‌ 43 శాతం ఓట్లతో రెండో స్థానంలో నిలిచారు. గత, ప్రస్తుత సినిమాలన్నింటినీ కలుపుకొని ఈ ఎన్నిక జరిగింది. ఇక గొప్ప చిత్రం కేటగిరిలో 'నాయకుడు' ప్రథమ స్థానంలో, 'షోలే' ద్వితీయ స్థానంలో నిలిచాయి. గొప్ప నటీమణుల విభాగంలో అందాల తార శ్రీదేవి ప్రథమస్థానంలోనూ మాధురీ దీక్షిత్, సావిత్రి రెండు, మూడు స్థానాలను దక్కించుకున్నారు. అలాగే గొప్ప సంగీత దర్శకుడిగా ఇళయరాజా నిలవగా రెండో స్థానాన్ని ఆస్కార్ అవార్డు విజేత ఏ.ఆర్.రెహ్మాన్ సొంతం చేసుకున్నారు.
