తెలంగాణలో సీనియర్ టీడీపీ లీడర్, కొడంగల్ ఎమ్మెల్యే రేవంత్ రెడ్డి ఫైర్ బ్రాండ్. కేసీఆర్ సర్కారుకు కంటిలో నలుసుగా మారిన రేవంత్ రెడ్డి.. టి. సర్కారుపై విమర్శలపై విమర్శల చేస్తూ ముప్పతిప్పలు పెట్టి మూడు చెరువుల నీరు తాగిస్తున్నారు.
ప్రస్తుతం తెలంగాణలో కేసీఆర్ సర్కారు ధీటుగా స్ట్రాంగెస్ట్ ప్రతిపక్ష నాయకుడిగా రాణిస్తున్న రేవంత్ రెడ్డిని టీడీపీ సీఎం అభ్యర్థిగా ప్రకటించే ఛాన్సుందని వార్తలొస్తున్నాయి. 2019 ఎన్నికల్లోపు తెలంగాణలో టీడీపీని బలోపేతం చేసి.. తద్వారా రేవంత్ రెడ్డి సీఎం పదవిలో కూర్చోబెట్టాలని ఏపీ సీఎం చంద్రబాబు నాయుడు వ్యూహం రచిస్తున్నట్లు సమాచారం.
అంతేగాకుండా 2019 ఎన్నికల టార్గెట్‌తో పనిచేసి తెలంగాణలో తెలుగుదేశం పార్టీని పటిష్టపరచాలని.. అలా చేస్తే బీసీ లీడర్ అయిన రేవంత్ రెడ్డికి ముఖ్యమంత్రి పదవిని అప్పగిస్తానని చంద్రబాబు ఇప్పటికే ప్రామిస్ కూడా చేసేశారని.. టీడీపీ వర్గాల సమాచారం.
ఇటీవల నిర్వహించిన సర్వేతో తెలంగాణ సీఎం చెన్నా రెడ్డికి తర్వాత అంత పవర్‌ఫుల్ లీడర్ రేవంత్ రెడ్డేనని తేలింది. ఈ సర్వే విషయాన్ని రేవంత్ రెడ్డి కూడా ధ్రువీకరించారు.
ఇంకేముంది..? ఇరు ప్రాంతాల్లో టీడీపీని బలోపేతం చేసి పది సంవత్సరాల పాటు ఇరు రాష్ట్రాల్లోనూ తెలుగుదేశం పార్టీని తిరుగులేకుండా చేయాలని చంద్రబాబు చేస్తున్న ప్రయత్నానికి రేవంత్ రెడ్డి కూడా తోడైతే.. తెలంగాణలోనూ కేసీఆర్ ప్రభుత్వానికి కష్టాలు తప్పవని రాజకీయ విశ్లేషకులు అంచనా వేస్తున్నారు.
