ఆమధ్య ఎప్పుడూ ఇతర పండుగలకేనా సెలవులు... శివరాత్రికి కూడా ఇవ్వాలంటూ తెలంగాణ అసెంబ్లీలో గళమెత్తిన ఎంఐఎం శాసనసభ్యులు అక్బరుద్దీన్ ఈమారు మరో విషయంపై మాట్లాడారు. ఆంధ్రోళ్లు... ఆంధ్రోళ్లు అంటూ ఎంతకాలం విమర్శిస్తారంటూ ఆగ్రహం వ్యక్తం చేశారు. తెలంగాణ శాసనసభలో గురువారం ఆయన మాట్లాడుతూ... ప్రతిదానికి ఆంధ్రోళ్లు... అంటూ విమర్శించడాన్ని వినివిని విసిగిపోయానని అన్నారు.
ఇంకా ఆంధ్రోళ్లు, రాయలసీమవాళ్లు అంటూ పబ్బం గడుపుతారంటూ నిలదీసిన ఆయన అలా మాట్లాడటానికి స్వస్తి చెప్పాలన్నారు. హైదరాబాదులో కేవలం ఆంధ్రవాళ్లు, రాయలసీమవారే కాదు... తమిళియన్స్, కన్నడిగులు, మరాఠీలు, బెంగాలీ, బీహారీ.. ఇలా ఎందరో ఉన్నారనీ, వారంతా హైదరాబాదీలంటూ చెప్పారు. కాబట్టి ఇకపై ప్రాంతాలవారీగా విడదీస్తూ మాట్లాడటం మానుకోవాలని హితవు పలికారు.
