మెదక్ జిల్లా కాంగ్రెస్ కమిటీ అధ్యక్షుడిగా నియమితులైన కాంగ్రెస్ మాజీ ఎమ్మెల్యే జగ్గారెడ్డి అలియాస్ తూర్పు జయప్రకాష్ రెడ్డి మెదక్ లోక్‌సభ ఉప ఎన్నికల్లో పోటీ చేయనున్నారు. ఈ మేరకు కాంగ్రెస్ అధిష్టానం ఆయన పేరును ఖరారు చేసి సంకేతాలు పంపినట్టు సమాచారం. దీంతో జగ్గారెడ్డి కూడా ఉప ఎన్నికల్లో పోటీ చేయడానికి సిద్ధపడుతున్నట్టు సమాచారం.
తెలంగాణ రాష్ట్ర తొలి ముఖ్యమంత్రి కేసీఆర్‌ని ఎదిరించగల, ఎదురొడ్డి నిలబడగల నేత జగ్గారెడ్డే కావడంతో ఆయన పేరును కాంగ్రెస్ హైకమాండ్ పరిగణనలోకి తీసుకున్నట్టు సమాచారం. మరోవైపు ఈ స్థానం నుంచి పోటీ చేసేందుకు మాజీ ఉప ముఖ్యమంత్రి దామోదర రాజనర్సింహతో పాటు.. కేంద్ర మాజీ మంత్రులు జైపాల్ రెడ్డి, సర్వే సత్యనారాయణలు పోటీ పడుతున్నారు.
